Bir zamanlar Türkiyənin “Beşiktaş” klubunda uğurlu oyunu ilə azarkeşlərin rəğbətini qazanmış fransız futbolçu Paskal Nouma xərçəng xəstəliyinə yoluxub. Bu barədə jurnalistlərə futbolçu özü açıqlama verib.

“2003-cü ildə Parisdə dostumla basketbol oynayarkən çənəmdən zədə aldım. Bir müddət ötdükdən sonra bu yara böyüməyə başladı. Həkimə gedərək analiz verdim. Səhərisi xəstəxandan çağıraraq bildirdilər ki, mən xərçəngə yoluxmuşam”, - deyə Paskal Nouma bildirib.

Futbolçu müalicə dövründə saçlarının və qaşının töküldüyünü və 20 kq-a qədər arıqladığını da vurğulayıb. Xatırladaq ki, Paskal Nouma 2002-2003-cü il mövsümündə “Beşiktaş”ın formasını geyinib. ANSPRESS