Azərbaycan milli komandasının baş məşqçisi Berti Foqts Qəbələ şəhərinə gedib. ANS PRESS-in AFFA-ya istinadən verdiyi məlumata görə, Foqts bu gün “Qəbələ” klubunun bazasında, həmçinin Futbol Akademiyasında mövcud şəraitlə tanış olub.

O, bildirib ki, ölkə futbolunun inkişafı məqsədilə burada görülən işlər təqdirə layiqdir və gələcəkdə öz bəhrəsini verəcək. Daha sonra millinin baş məşqçisi “Qəbələ” klubunun məşqini izləyib.