Beynəlxalq Futbol Tarixi və Statistikaları Federasiyası (İFFHS) son 15 ilin ən yaxşı məşqçilərinin siyahısını açıqlayıb. Siyahıda ümumilikdə 225 mütəxəssis yer alıb. "Mançester Yunayted"in baş məşqçisi Aleks Ferqyuson siyahıya başçılıq edir - 222 xal. Onu "Arsenal"ın fransız məşqçisi Arsen Venger (186 xal) və italiyalı Marçello Lippi (146 xal) izləyir.

İFFHS-in siyahısında ölkəmizlə bağlı olan üç məşqçinin də adı salınıb. Belə ki, milli komandamızın baş məşqçisi Berti Foqts 43 xalla 36-cı pillədə qərarlaşıb. Onun həmyerlisi, "Bakı"nın sabiq məşqçisi Vinfred Şafer 83-cü olub - 22 xal. "Bakı"nın hazırkı baş məşqçisi, latviyalı Aleksandr Starkov isə 19 xalla 91-ci yeri tutub. ANSPRESS