Şahmatçımız Teymur Rəcəbov Rumıniyada keçirilmiş “Bazna Kinqs” turnirini ikinci pillədə başa vurub. Son turda Rəcəbov israilli rəqibi Boris Helfandla üz-üzə gəlib.

Turnirin son oyun günü Teymur Rəcəbov, Boris Helfandı məğlubiyyətə uğradıb. Günün digər oyununda Norveçli beynəlxalq qrossmeyster Maqnus Karlsen Çin təmsilçisi Van Yueni şahsız qoyub. Rumıniyalı Diter Nisipyanu isə Ukrayna bayrağı altında çıxış edən Ruslan Panamaryovla bacara bilməyib. Bu nəticələrdən sonra Maqnus Karlsen aktivindəki 7 xal yarımla “Bazna Kinqs” superturnirinin qalibi adını qazanıb.

İkinciliyi ondan 2 xal geri qalmış Teymur Rəcəbov əldə edib. Rəcəbovla eyni xala malik Boris Helfand şəxsi əmsallarının aşağı olması səbəbindən üçüncülüklə kifayətlənib. ANSPRESS