“Barselona” İspaniya çempionatının liderliyinə qayıtmaq imkanını əldən verib. Çempionatın 11-ci turunda komanda səfərdə Bilbao “Atletiko”su ilə 1:1-lik heç-heçə edib. Oyunda hesabı 54-cü dəqiqədə Daniel Alveş açıb. Meydan sahibləri bundan cəmi 9 dəqiqə sonra hesabı bərabərləşdirə bilib. Bərabərlik qolunu Qaiska Tokero vurub.
Turun digər qarşılaşmasında isə “Real” “Rasinq” üzərində minimal hesablı qələbə qazanıb. İndi “Barselona”dan bir xal irəlidə olan “Kral klubu” turnir cədvəlinə liderlik edir. ANSPRESS