“Bakı” futbol klubunun zədəli futbolçular siyahısına daha bir oyunçu əlavə edilib. ANS PRESS-in “Bakı” futbol klubuna istinadən verdiyi məlumata görə, komandanın hollandiyalı yarımmüdafiəçisi Adnan Bərəkət zədələnib.
Futbolçu məşq prosesində əzələsini dartıb.

“Bakı”nın holland legionerinin 1 həftə ərzində müalicə olunacağı bildirilir. Adnan Bərəkətin Unibank Premyer Liqasının 21-ci turu çərçivəsində baş tutacaq "Turan"-"Bakı" qarşılaşmasında forma geyə bilməyəcəyi proqnozlaşdırılır.

Xatırladaqki, “Bakı” klubunun zədəli futbolçular siyahısında Ernad Skuliç, Stefan Barbikoni, Rafael Əmirbəyov və Aleksandr Soliç var.