21 yaşadək futbolçulardan ibarət Azərbaycan yığması Avstriyada təşkil olunmuş təlim-məşq toplanışı çərçivəsində ikinci yoldaşlıq oyunu keçirib.

ANS PRESS-in məlumatına görə, Gürcüstanın müvafiq yaş qrupundan ibarət yığması ilə keçirilən qarşılaşma 1:1 hesabı ilə yekunlaşıb. Komandamızın qolunu Araz Abdullayev vurub.

Xatırladaq ki, bu toplanış çərçivəsində keçirdiyi ilk yoldaşlıq oyununda yığmamız Macarıstanın “Haladas” komandasını 2:1 hesabı ilə məğlubiyyətə uğratmışdı.