Yunanıstanda şahmat üzrə Avropa çempionatının 6-cı turunun qarşılaşmaları keçirilib. Azərbaycan yığması bu günkü turda Rusiya millisi ilə qarşılaşıb və 2,5-1,5 hesabı ilə qalib gəlib.

Millimizə qələbəni Pyotr Svidleri məğlub edən Teymur Rəcəbov gətirib. Vüqar Həşimov Aleksandr Qrişşukla, Şəhriyar Məmmədyarov Sergey Karyakinlə, Qədir Hüseynov isə Yan Nepomnyaşi ilə sülh bağlayıb.

Altı turdan sonra yığmamız Bolqarıstan şahmatçıları ilə 2-3-cü yerləri bölüşür. Çempionatın turnir cədvəlinə Rumıniya liderlik edir.