Azərbaycanın "Bakı" klubu ilə Antalyada təlim-məşq toplanışında olan Bülent Korkmaz Türkiyə mətbuatına açıqlama verib. O sözlərinə görə, komandada müəyyən çatışmamazlıqları var.

"Komandanı burda daha yaxşı təhlil edəcəyəm. Testlər və taktiki dəyərləndirmələr aparılacaq. Bundan sonra komanda haqqında daha dəqiq məlumatım olacaq", - deyə Korkmaz əlavə bildirib.

Baş məşqçi azərbaycanlı futbolçuların tam olaraq peşəkar olmadığını da bildirib: "Tam olaraq peşəkar deyillər. Zamanında biz də belə idik. İndi onlara o peşəkarlığı öyrətməyimiz lazımdır".

Korkmaz "Bakı"nın hədəflərindən də danışıb: "Bakı"nı peşəkar kluba çevirməliyik. Üç ay sonra klubun yeni bazası inşa olunacaq. Komandanın prezident bununla bağlı söz verib. Çox gözəl bir baza tikilir ki, Azərbaycanda hələ belə bir baza yoxdur. Bu vəd, mənim Azərbaycanı seçməyimə təsir edib". ANSPRESS