Bu gün FİFA-nın kütləvi futbolla bağlı tədbiri başa çatıb. Ölkəmizdə ilk dəfə olaraq təşkil edilən tədbir çərçivəsində Azərbaycanın müxtəlif futbol klublarında çalışan məşqçilər üçün seminar keçirilib.

Seminarın sonuncu günü uşaqların ixtiyarına verilib. Belə ki, "Şəfa" stadionunda müxtəlif yaş qruplarında 100-ə yaxın uşaq üçün futbol festivalı keçirilib. Tədbirdə FİFA və AFFA nümayəndələri ilə yanaşı aşağı yaş qruplarını çalışdıran Oliver Piltser və Bernard Lippert iştirak edib.

Sonda tədbirdə iştirak etmiş uşaqlara FİFA nümayəndələri tərəfindən müxtəlif hədiyyələr təqdim olunub. AFFA-nın baş katibi Elxan Məmmədov bildirib ki, tədbirin əsas məqsədlərindən biri uşaqların futbola cəlb edilməsidir. ANSPRESS