Hollandiyanın Veyk-an-Zee şəhərində “Tata Steel Chess” turniri davam edir. ANS PRESS-in məlumatına görə, turnirdə çıxış edən həmyerlilərimiz Teymur Rəcəbov və Vüqar Həşimov bu gün növbəti oyunlarına keçirəcəklər.

Teymur Rəcəbov Sergey Karyakin, Vüqar Həşimov isə erməni şahmatçı Levon Aronyanla münasibətlərinə aydınlıq gətirəcək.

Qeyd edək ki, geridə qalan 5 turdan sonra turnir cədvəlinə aktivində 3,5 xal olan Maqnus Karlssens və Levon Aronyan başçılıq edir. Teymur Rəcəbov 3 xalla 3-5 yerləri bölüşdürür. Vüqar Həşimov isə 1,5 xalla 13-cü sırada qərarlaşıb.

Xatırladaq ki, son turda Vüqar Həşimov Vasili Uvançuka uduzub, Teymur Rəcəbov isə Veselin Topalovla xalları yarı bölüb.