17 yaşadək futbolçulardan ibarət komandalar arasında Avropa çempionatının ilkin seçmə mərhələsinin oyunları yekunlaşıb. Tofiq Bəhramov stadionunda baş tutan günün əsas qarşılaşmasında Azərbaycanın və Qazaxıstanın 17 yaşlı futbolçuları üz-üzə gəliblər. Matç futbolçularımızın 3:1 hesablı qələbəsi ilə yekunlaşıb. Hesab oyunun 46-cı dəqiqəsində açılıb. Qazaxların qapısından topu Ruslan Tağızadə keçirib. 49-cu dəqiqədə qazaxlar Utrobinlə hesabı bərabərləşdirsələr də, 72-ci dəqiqədə Hacı Əhmədov, 80-ci dəqiqədə isə Abdulla Abatsıyevin qolları sayəsində Azərbaycan Qazaxıstanı 3:1 hesabı ilə məğlub edib.
Digər qarşılaşma isə İsmət Qayıbov stadionunda oynanılıb. Burada İngiltərə və Serbiyanın gənc oyunçuları qarşılaşıblar. Maçt 1:0 hesabı ilə Dumanlı Albion təmsilçilərinin qələbəsi ilə yekunlaşıb. Qarşılaşmada yeganə qola 58-ci dəqiqə Afobe imza atıb. ANSPRESS