Beynəlxalq Futbol Federasiyaları Assosiyasiyası (FİFA) milli komandaların növbəti reytinq cədvəlini açıqlayıb. Ötən ayla müqayisədə 2 pillə geriləyən Azərbaycan milli komandası  193 xalla 142-ci yerdə  qərarlaşıb. Dünya reytinq siyahısına isə yenə də İspaniya millisi başçılıq edir. Son Avropa çempionlarının aktivində 1729 xal var. Aktivində 1362 xalı olan Dünya çempionatı 2010-un seçmə mərəhələsindəki rəqiblərimizdən Almaniya millisi reytinq cədvəlində iknci, 1360 xalı olan Hollandiya isə 3-cü sırada qərarlaşıb.

Dünya çempionatı 2010-un seçmə mərhələsi çərçivəsində iyunun 6-da Bakıda qarşılaşacağımız Uels millisi isə 468 xalla 73-cü mövqedə qərarlaşıb. İyunun 2-də yoldaşlıq oyunu keçirəcəyimiz Türkiyə millisi isə, 923 xalla 14-cü sıradadır.

Dünya reytinq siyahısında ilk 10 sırada qərarlaşan komandaları diqqətinizə çatdırırıq:

1	İspaniya	1729
2	Almaniya	1362
3	Hollandiya	1360
4	Braziliya	1281
5	İtaliya	1271
6	Argentina	1195
7	İngiltərə	1173
8	Xorvatiya	1151
9	Rusiya	1117
10	Fransa	1074