UEFA-nın versiyası üzrə Avropanın ən yaxşı futbolçusu mükafatının ilk sahibi “Barselona”nın oyunçusu Lionel Messi olub. O, səsvermədə Kriştianu Ronaldu və Xavi Ernandesi qabaqlayıb. Lionel Messiyə mükafat Monakoda UEFA Çempionlar Liqasının qrup mərhələsinin püşkatması zamanı təqdim edilib.

Argentina millisinin hücumçusu ötən mövsüm “Barselona”nın heyətində 53 qol vurub. O, 12 dəfə Çempionlar Liqasında fərqlənib və ardıcıl üçüncü dəfə turnirin ən yaxşı bombardiri olub. Bundan başqa, Lionel Messi “Barselona”ya dalbadal üçün dəfə İspaniya çempionu olmaqda yardım edib.