Lüksenburq şəhərində 33-cü CEV ümumi Konqresi keçirilib. 48 ölkə Federasiyasının iştirak etdiyi konqresdə 2015 Avropa Çempionatının ev sahiblərinin də adları açıqlanıb. Azərbaycan Voleybol Federasiyasının mətbuat xidmətindən ANS PRESS-ə verilən məlumata görə, 2015 kişilər arasında Avropa Çempionatı İtaliya və Bolqarıstanda keçiriləcək.

2015 qadınlar arasında Avropa Çempionatı Hollandiya və Belçikada keçiriləcək. Qeyd edək ki, Lüksenburqda keçirilən 33-cü CEV Ümumi Konqresində Azərbaycan Voleybol Federasiyasını, Federasiyanın baş Katibi Elşən İsmayılov və Mixayıl Frişman təmsil edirdi.