Portuqaliyanın paytaxtı Lissabon şəhərində yerləşən “Estadio da Luz” stadionunda martın 27-də Portuqaliya çempionatı çərçivəsində “Benfika” – “Braqa” oyunu keçiriləcək.

Bu oyunun fasiləsi zamanı futzal üzrə UEFA Kubokunun “Dördlər finalı”nın püşkü atılacaq. AFFA-dan verilən məlumata görə, püşkatma mərasimində həmyerlimiz Asim Xudiyev də iştirak edəcək.

Xatırladaq ki, “Dördlər finalı”nda təmsilçimiz “Araz”, Portuqaliyanın “Benfika”, İtaliyanın “Luparense” və İspaniyanın “İntervyu” komandaları mübarizə aparacaq. ANSPRESS