"Fənərbaxça" əzəli rəqibi "Qalatasaray"ın kapitanı Arda Turanı heyətinə qatmaq istəyib. Bu barədə "Fanatik" qəzetinin köşə yazarı Güneri Cıvaoğlu bugünkü yazısında yazıb. Köşə yazarı Adnan Polatla söhbətini qələmə alıb. İddiaya görə, "Fənərbaxça" Ardaya 5 milyon avro təklif edib.

“O, bizdən ildə 1 milyon avro alır. Bu məbləğ Ardanın beynini uçuracaq bir məbləğdir. Ardanı Florya bazasına çağırdım. Ona olan ən gözəl duyğularımızı bir daha hiss etdirəcək qısa çıxış etdim. Sonra masanın üzərinə kağız və qələm qoydum. "Al bunları və bir otağa keç. İstədiyin rəqəmi yazıb yanıma gəl. Həmin məbləği ödəyəcəm" dedim. Getdi və çox keçmədən gəldi. “Başqanım çox təşəkkür edirəm. Heç bir rəqəm yazmadım. Mən "Qalatasaray"lıyam. Ən dəyərli şey də budur. Siz nə yazsanız, qəbulumdur" dedi. Arda "Sarı-qırmızılı" formanı şərəflə daşımış, təriylə islatmış, oyunu və zəkası ilə haqq edən bir futbolçudu", - deyə Cıvaoğlu Adnan Polatla söhbətinin detallarını açıqlayıb.