Bu gün futzal üzrə ölkə kubokunun yarımfinal mərhələsinin oyunları keçirilib. Neftçi İdman Sağlamlıq Cəmiyyəti və “Azmetko” klublarının qarşılaşmasında qapılara ümumilikdə 14 qol vurulub. “Neftçi” 8:6 hesabı ilə “Azmetko”nu məğlubiyyətə uğradıb.

“Araz”-“Ekol” oyunu isə başa çatmayıb. Qarşılaşmanın 15-ci dəqiqəsində, “Araz” hesabda 6:0 irəlidə olarkən, “Ekol” oyunu davam etdirməkdən imtina edib. Nəticədə Naxçıvan təmsilçisi texniki qələbə sayəsində finala yüksəlib.

Ölkə kubokunun finalı mayın 14-də, saat 17:00-da Bakı İdman Sarayında keçiriləcək. ANSPRESS