19 yaşadək futbolçulardan ibarət milli komandamızın üzvü Araz Abdullayevin Rusiyanın "Rubin" klubuna keçidi baş tutub. Bu barədə Peşəkar Futbol Liqasının prezidenti Ramin Musayev məlumat verib.

Musayev bildirib ki, "Neftçi"nin gənc yarımmüdafiəçisi artıq ikiqat Rusiya çempionu ilə müqavilə imzalayıb. Araz gələn həftənin bazar günü Kazana yollanaraq, yeni komandasına qoşulacaq.

Xatırladaq ki, bir müddət öncə futbolçu "Rubin"in əvəzedici komandasının Antalyadakı təlim-məşq toplanışında baxışda olub. ANSPRESS