“Oyunu Allan Lalinin qolu qaçırdığı epizodda uduzduq”. Bu sözləri “Xəzər-Lənkəran” klubunun baş məşqçisi Ağasəlim Mircavadov Quzanlıdakı oyunu şərh edərkən deyib. Qeyd edək ki, bu gün “Xəzər-Lənkəran” Quzanlı qəsəbə stadionunda Ağdamın "Qarabağ" klubuna uduzub.

Yetirmələrinin 0:1 hesabı ilə uduzmasından üzülən Mircavadov qarşılaşmadan sonra keçirilən mətbuat konfransında bunları deyib: “Mən "Qarabağ”ı bu qələbə münasibətilə təbrik edirəm. Onlar sonadək mübarizə aparmağın nümunəsini göstərdilər. O ki qaldı buraxdığımız qola, həmin epizodda müdafiəçilərimiz kobud səhvə yol verdi. Lakin buna görə heç kimi cəzalandırmaq fikrim yoxdur. Axı hər səhv edən oyunçunu cəzalandırsaq, komandada futbolçu qalmaz”. ANSPRESS