AFFA-nın mətbuat katibi Mikayıl Nərimanoğlu Rusiya ilə oyunda heç-heçə hesabına görə Azərbaycan yığma komnadasının futbolçularına iri məblğdə pul mükafatı verilməsi haqda bəzi KİV-lərin məlumatlarını birmənalı olaraq təkzib edib.

“Bu matçla bağlı ümumiyyətlə mükafat verilməyib” deyə AFFA-nın mətbuat katibi "Turan"a bildirib.

Xatıarladaq ki, oyun 1:1 hesabı ilə başa çatıb və bu nəticə 2014-cü ildə Braziliyada keçiriləcək futbol üzrə dünya çempionatının finalına çıxmaq üçün Rusiyanı qane edirdi.

Oyun başlanana qədər rəsmilər Rusiya yğıması üzərində qələbə üçün futbolçulara mükafat vədi verildiyini etiraf edirdilər. Oyundan sonra isə bəzi mənbələr hər oyunçuya 60 min manat verildiyini bildiriblər.