AFFA milli komandaların şərəfini qorumaq üçün son 2 il ərzində həyata keçirdiyi və bir sıra uğurlu nəticələr əldə etdiyi layihəsini - xarici klublarda oynayan soydaşlarımızın axtarışını davam etdirir. Bu barədə ANS PRESS-ə AFFA mətbuat xidmətindən məlumat verilib. Bununla əlaqədar olaraq AFFA xarici klublarda oynayan Azərbaycan əsilli futbolçulara müraciət edərək müxtəlif yaş qruplarından ibarət yığma və “A” milli komandada oynamaq arzusunda olduqlarını bildirmələrini xahiş edir. “A” millinin şərəfini qorumaq istəyənlər [email protected] (+99 450 225 91 18), U-21, U-19, U-17, U-16, U-15 və U-15 (qızlar) komandalarında oynamaq istəyənlər isə [email protected] (+99 450 225 98 94) ünvanına müraciət edə bilər.

Qeyd edək ki, müraciət edən futbolçularla operativ olaraq əlaqə saxlanılacaq və onlar yığma komandaların növbəti toplanışlarına yoxlanış üçün dəvət olunacaq.