Bu gün Bakının Sabunçu rayon Zabrat qəsəbəsində mənzildə partlayış baş verib. ANS PRESS-in məlumatına görə, partlayış saat 16.00 radələrində 1-ci Zabrat qəsəbəsində Cavanşır Məmmədova məxsus ikimərtəbəli fərdi yaşayış evində baş verib.

Partlayış nəticəsində xəarət alan evin xanımı Dinar Məmmədova Bakı şəhər Təcili və Təxirəsalınmaz Tibbi Yardım stansiyasının maşını ilə Yanıq Mərkəzinə aparılıb. Bədəninin yuxarı ətraf nahiyəsindən 3 və 4-cü dərəcəli xəsarət alan yaralının vəziyyətinin ağır olduğu bildirilir.

Hadisə yerinə polis və Fövqəladə Hallar Nazirliyinin əməkdaşları gələrək ilkin araşdırmalara başlayıblar.