Yardımlıda bıçaqlanma hadisəsi olub

Yardımlı rayonunda bıçaqlanma hadisəsi baş bverib. Bu barədə Daxili İşlər Nazirliyinin mətbuat xidmətindən verilən məlumata görə, iyulun 18-də saat 21.00 radələrində Yardımlı şəhəri ərazisində, şəhər sakini Şəhriyar Heydərov münaqişə zəminində həmyerlisi Vidadi Babayevə bıçaqla xəsarət yetirib.
Yardımlı rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Ş.Heydərov tutularaq istintaqa təhvil verilib.

Faktla bağlı cinayət işi başlanılıb, araşdırma aparılır. ANSPRESS