Bakının Xətai rayonunda qanlı hadisə baş verib. Bakı Şəhər Baş Polis İdarəsindən verilən məlumata görə, iyulun 18-də Babək prospektində Elvin Həsənov mübahisə zəmnində Alimxan Hüseynovun qarın nahiyəsindən üç bıçaq xəsarəti yetirərək hadisə yerindən uzaqlaşıb.

Xətai Rayon Polis İdarəsinin 34-cü polis bölməsi əməkdaşlarının keçirdiyi əməliyyat-axtarış tədbirləri nəticəsində tutularaq istintaqa təhvil verilib.

Hadisənin baş vermə səbəbi və digər motivləri rayon polis idarəsində araşdırılır. ANSPRESS