Xaçmaz rayonunda silahlı insident baş verib. Bu barədə ANS PRESS-ə Daxili İşlər Nazirliyindən məlumat daxil olub.

Məlumata görə, mayın 14-də Xaçmaz rayon sakini Lazım Muradov 3 nəfər şəxslə birgə Siyəzən rayonunun Zərgərli kəndi ərazisindəki otlaq sahəsinə gələrək rayon sakini Nahid Həsənovu döyüb və ona məxsus qoyunları aparmağa cəhd göstərib. Bu zaman N. Həsənov ov tüfəngindən atəş açaraq L. Muradova yüngül bədən xəsarəti yetirib.

Siyəzən Rayon Polis Şöbəsi əməkdaşlarının həyata keçirdikləri əməliyyat tədbirləri nəticəsində N. Həsənov saxlanılıb və ondan 1 ədəd ov tüfəngi götürülüb. Araşdırmalar aparılır. ANSPRESS