Sumqayıt şəhərində qətl hadisəsi baş verib. Sumqayıt şəhər Polis İdarəsindən ANS PRESS-ə verilən məlumata görə, hadisə dekabrın 4-ü saat 20.20 radələrində baş verib. 40 yaşlı Səxavət Cabbar oğlu Xəlilov "102" xidmətinə zəng vuraraq bildirib ki, Həsən adlı şəxs 49-cu yayayış sahəsində naməlum şəxs tərəfindən qətlə yetirilib.

Dərhal həyata keçirilən əməliyyat axtarış tədbirləri nəticəsində hadisədə şübhəli bilinən şəxs saxlanılıb.

Araşdırma zamanı məlum olub ki, Sumqayıt şəhər sakini, 52 yaşlı Həsən Həsənov 43 yaşlı Hüseyn Aslan oğlu Hüseynov tərəfindən bıçaqlanıb. Məlumata görə, yataqxana qeydiyyatında olan, lakin 49-cu yaşayış sahəsində yaşayan H.Hüseynov Həsənovun elektirik xəttini kəsib. Bu səbəbdən aralarında yaranan mübahisə nəticəsində isə mətbəx bıçağı ilə Həsən Həsənova boğaz və döş qəfəs nahiyəsindən olmaqla 6 bıçaq zərbəsi endirib. Yaralı aldığı xəsarətlərdən elə hadisə yerindəcə dünyasını dəyişib.

Faktla bağlı Sumqayıt Prokurorluğunda AR CM-nin 120.1-ci( Qəsdən adam öldürmə, yəni digər şəxsi qəsdən həyatdan məhrum etmə ) maddəsi ilə cinayət işi başlanılıb, araşdırma aparılır.