Bakının Binəqədi rayonunda yaşayış evində partlayış baş verib. Daxili İşlər Nazirliyinin mətbuat xidmətinin məluatına görə, hadisə ötən gün saat 22:45 radələrində Sulutəpə qəsəbəsində qeydə alınıb.

R.Allahverdiyev küçəsindəki yeni tikilmiş evlərdən birində yaşayan Natiqə Nəbiyevaya məxsus evin hamamındakı partlayışa təbii qazın sızması səbəb olub. Hadisə nəticəsində oranın giriş qapısı sınıb, tavanı uçub və N.Nəbiyeva yanıq xəsarəti alıb. Yaralı xəstəxanaya yerləşdirilib.