Sulutəpə qəsəbəsində 4 maşının toqquşması ilə nəticələnən yol-qəzası baş verib. Hadisə şahidlərinin ANS PRESS-ə verdiyi məlumata görə, iki “Mercedes” və iki “Jiquli” markalı olmaqla 4 maşın biri-biri ilə toqquşub. Daha sonra “Mercedes”lərdən biri yoldan çıxaraq dərəyə aşıb. İlkin məlumata görə, hadisə zamanı yol polisinin əməkdaşı xəsarət alıb.

Baş Dövlət Yol Polis İdarəsindən ANS PRESS-ə verilən məlumata görə, hadisə saat 11.00 radələrində baş verib.

Bakı şəhər Təcili və Təxirəsalınmaz Tibbi Yardım stansiyasından ANS PRESS-ə verilən məlumata görə, qəza baş verən yerdən bir nəfər alt çənəsinin sınması diaqnozu ilə xəstəxanaya aparılıb.

Faktla bağlı araşdırma aparılır. ANSPRESS