Ötən gün Şabran rayonunda yanğın hadisəsi baş verib. ANS PRESS-in bölgə müxbirinin məlumatına görə, hadisə rayonun Maytablı kəndində qeydə alınıb Saat 16.37-də vaxtilə ət kombinatına məxsus olan şəxsi təsərrüfatda yerləşən 1 otaqlı evdə yanğın başlayıb. Ev sahibi həmin vaxt təsərrüfatda işləyirmiş. Hadisə yerinə FHN Şabran dövlət yanğından mühafizə hissəsinin iki maşını göndərilib. Yanğının yaxınlıqdakı tikililələrə keçməsinin qarşısı alınsa da. 100 kvadrat metr ərazi tamamilə yanıb. Yanğın zamanı təsərrüfat sahibinin ev əşyaları və sənədləri də yanıb.

Hadisənin səbəblərini FHN Şimal Dövlət Yanğın Nəzarəti bölməsi araşdırır. İlkin ehtimallara görə, yanğına elektrik xətlərindəki qısaqapanma səbəb olub.