Saatlı rayonunda yol qəzası baş verib. Daxili İşlər Nazirliyinin mətbuat xidmətindən verilən məlumata görə, hadisə noyabrın 9-da saat 21.25 radələrində baş verib.

Rayonun Seyidlər kənd sakini Əlixuda Talıbovun idarə etdiyi dövlət qeydiyyat nişanı olmayan "QAZ-53" markalı və Mollaəvəzli kənd sakini Hüseyn Məmmədovun idarə etdiyi "VAZ-2107" markalı avtomaşınlar toqquşub.

Nəticədə H.Məmmədovun sərnişini, qardaşı Murad hadisə yerində ölüb, xəsarət almış hər 2 sürücü isə xəstəxanaya yerləşdirilib.

Hadisənin nə səbəbdən baş verməsi Saatlı rayon polis şöbəsi tərəfindən araşdırma aparılır. ANSPRESS