Bu gün günorta saatlarında Quba şəhəri Dəvədabanı massivi ərazisində yanğın baş verib. Yanğın tez bir zamanda Quba-Xınalıq yolununun yaxınlığındakı bağ massivlərinə keçib, yolun alt hissəsini də bürüyüb. Dərhal hadisə yerinə FHN Quba Dövlət yanğından mühafizə hissəsinin 4 yanğınsöndürən maşını cəlb olunub. Hazırda yanğının ətraf ərazilərə və meşə massivinə keçməsinin qarşısının alınması üçün tədbirlər görülür.

Hadisə yerinə Quba polis şöbəsinin əməkdaşları və Quba məşə bərpası və mühafizəsi idarəsinin əməkdaşları gəlib. Quba məşə bərpası və mühafizəsi idarəsinin direktoru Rafiq Əşrəfovun sözlərinə görə, yanğının meşə massivinə keçməsinin təhlükəsi azdır. R.Əşrəfovu onu da bildirib ki, son vaxtlar rayonda yanğın təhlükəsi daha da artıb. Belə halların baş vermə səbəblərinə gəldikdə isə o əsas səbəblərdən biri kimi əhalinin odla ehtiyatsız davranışını göstərib.

İlkin məlumatlara görə, həmin ərazidə təxminən 30 hektara yaxın alma bağları və kol-kos yanıb. Ərazidə yeni və köhnə alma bağları olub. Quba rayonu ərazisində baş verən yanğınlarla bağlı Quba RPŞ və Quba Rayon Prokurorluğunda araşdırmalara başlanılacaq. ANSPRESS