Azərbaycanın Qax rayonunda yol-nəqliyyat hadisəsi baş verib. Bu barədə APA-ya Qax rayon Polis Şöbəsindən məlumat verilib. Yol qəzası “Qax pavliyonu” adlanan ərazidən Qax şəhərinə doğru gedən magistral yolda baş verib.

1977-ci il təvəllüdlü, Qax rayon Alatəmir kənd sakini Poladaşvili Taryel Barisyoviç idarə etdiyi “Mercedes” markalı, Gürcüstan dövlət nişan nömrəli avtomobilin hərəkət mexanizmini itirərək, avtomobili yolun kənarındakı ağaca çırpıb. Nəticədə T. Poladaşvili və avtomobildə olan Alatəmir kənd sakinləri 1994-cü il təvəllüdlü Poladaşvili Sona Qiyayevna, 1993-cü il təvəllüdlü Tamazaşvili Makvala Zaurovna, 1979-cu il təvəllüdlü Tataraşvili Royen Nazaryevna ağır bədən xəsarətləri alıblar.

Onlar Qax Mərkəzi Rayon Xəstəxanasının reanimasiya şöbəsinə yerləşdiriliblər. Hazırda onların durumunun ağır olduğu bildirilir.

Faktla bağlı cinayət işi başlayıb, hadisənin baş vermə səbəbləri araşdırılır. ANSPRESS