Ötən gecə Moskvada Novoçerkassk bulvarından keçən patrul mühafizə xidmətinin əməkdaşları iki naməlum şəxsin tapança ilə hədə-qorxu gələrək bir nəfərin çantasını əlindən aldığını görüblər.

Milis işçilərini görən cinayətkarlar qaçmağa başlayıblar. Milisin "dayanın" tələbinə onlar məhəl qoymayıb və hüquq-mühafizə əməkdaşlarını xəbərdarlıq atəşi açmağa məcbur ediblər.

Yalnız bundan sonra soyğunçuları yaxalamaq mümkün olub. Sonradan məlum olub ki, onlar küçədə 26 yaşlı moskvalını təhdid edərək onun içərisində mobil telefon və 100 rubl olan çantasını əlindən alıblar. ANSPRESS