İstanbulun Halkalı ərazisində hərbi qərargahın yaxınlığında hərbçiləri daşıyan avtobusda partlayış baş verib. ANS PRESS CNN Türk-ə istinadən xəbər verir ki, ilkin məlumatlara görə, biri uşaq olmaqla 3 nəfər ölüb, 6 nəfər isə yaralanıb. Ölənlərin adları da artıq bəllidir. Bunlar Çağlar Bölük, Uğur Ekir və Buse Sarıyağdır. Çağlar Bölük və Uğur Ekir çavuş, Buse Sarıyağ isə əsgərlərdən birinin qızıdır. Onun 17 yaşının olduğu bildirilir.
O da bildirilir ki, yaralanan 6 nəfərdən ikisinin durumu çox ağırdır. Onlar yaxınlıqdakı xəstəxanalara yerləşdiriliblər.

Həmçinin partlayışın avtobusa quraşdırılmış və məsafədən idarə olunan qurğu nəticəsində baş verdiyi də məlum olub. Artıq polis araşdırmaya başlayıb. ANSPRESS