Bu gün Səbail rayonunda şübhəli maşın saxlanılıb. ANS PRESS-in hadisə yerində olan müxbirinin məlumatına görə, kimliyi məlum olmayan iki yeniyetmə Səbail rayonunda Dövlət Yol Polisinin əməkdaşının "dur" əmrinə tabe olmayaraq, hadisə yerindən uzaqlaşıb. Bu barədə dərhal aidiyyati qurumlar məlumatlandırılıb və "VAZ-2107" markalı avtomaşının getdiyi istiqamət müəyyən edilib.

Avtomobili idarə edən iki gənc Səbail Rayon Polis İdarəsinin yeni binasının yüz metrliyində, Keçid 1128 ünvanında Polis İdarəsinin əməkdaşı tərəfindən saxlanılıb. Çıxış yolunun olmadığını görən yeniyetmələr maşını yol kənarında saxlayaraq, maşının açarını götürərək hadisə yerindən qaçıb.

Hazırda maşının kimə məxsus olduğu araşdırılır. ANSPRESS