Azərbaycanın Göygül rayonunda intihar hadisəsi baş verib. Rayon prokurorluğundan ANS PRESS-ə verilən məlumata görə, hadisə dekabrın 13-ü gündüz radələrində baş verib.

Yevlax şəhəri, Kərimov küçəsi 92 ünvanında qeydiyyatda olan 38 yaşlı Asif Yusif oğlu Cabbarov Göygöl rayonunun mərkəzi ilə Topalhəsənli kəndi arasında istifadəsiz olan gəc sexində özünü asıb.

O, ailə üzvləri ilə birlikdə Göygöldə yaşayan kirvəsinin yeni tikdirdiyi mənzilə "evgördü"yə gəlibmiş.

Faktla bağlı AR CM-nin 125-ci (Qəsdən özünü öldürmə) maddəsi ilə cinayət işi başlanılıb, araşdırma aparılır.