Fevralın 26-da saat 11:03-də FHN-in “112” xidmətinə zəng edən naməlum şəxs “burada bomba var, mən erməniyəm” deyərək telefonu söndürüb.

Daxili İşlər Nazirliyindən ANS PRESS-ə verilən məlumata görə, məlumat DİN-in növbətçi hissələrinin idarəetmə xidmətinə ötürülüb. Həyata keçirilən əməliyyat tədbirləri nəticəsində məlumat təsdiqini tapmayıb.

DİN Baş Cinayət Axtarış İdarəsi və Gəncə Şəhər Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində zəng edən şəxsin Yeni Gəncə qəsəbəsində yaşayan azyaşlı şəxs olması müəyyən edilib. O, polisə yalan məlumat verdiyini etiraf edib. Faktla bağlı araşdırmalar aparılır. ANSPRESS