Bu gün saat təxminən 12:50 radələrində Füzuli rayonu ərazisində yol-nəqliyyat hadisəsi baş verib. Füzuli Rayon Polis Şöbəsinin rəisi Kamandar Əsədovun ANS PRESS-ə verdiyi məlumata görə, içində 4 hərbçi olan “VAZ 2107” markalı mülki avtomobil “İkarus” markalı avtomobillə toqquşub. Avtomobil qəzası nəticəsində bir hərbçi həlak olub.

Müdafiə Nazirliyinin mətbuat xidmətinin əməkdaşı Teymur Abdullayevin ANS PRESS-ə verdiyi məlumata görə, həlak olan hərbçi 1978-ci il təvəllüdlü Qalib Tapdıq oğlu İsayevdir. T. Abdullayevin sözlərinə görə, sürücü Q. İsayev maşında tək olub.

Hazırda hadisənin baş vermə səbəbləri araşdırılır.