Ərazilərin Minalardan təmizlənməsi üzrə Milli agentliyin əməkdaşları Bərdə şəhəri ərazisində partlamamış döyüş sursatı aşkar edib. ANS PRESS-in bölgə müxbirinin məlumatına görə, sursat Kimya birliyi adlanan ərazidə torpaqdan çıxarılıb. Bu məqsədlə rayon İcra Hakimiyyətinin Nazirlər Kabinetinə müraciətindən sonra ANAMA-nın çevik əməliyyat qrupu rayona ezam olunub. Aparılan əməliyyat nəticəsində ərazidən 1 ədəd “9 M 22 S” markalı qrad mərmisi çıxarılıb.

ANAMA-nın çevik əməliyyat qrupunun rəhbəri Habil Cəfərov bildirib ki, mərmi torpağın 1,5 metr dərinliyindən aşkar edilərək çıxarılıb.

Qeyd edək ki, qard mərmisi şəhər ərazisinə birinci Qarabağ müharibəsi zamanı düşüb. Döyüş sursatı zərərsizləşdirilmək üçün ANAMA-nın partlayış anbarına aparılıb. ANSPRESS