Bu gün axşam saat 22.00 radələrində paytaxtın Səbail rayon ərazində 5 nəfərin xəsarət alması ilə nəticələnən yol-nəqliyyat hadisəsi baş verib. Bayıl qəsəbəsi, Gülbala Əliyev küçəsində 90 FF 807 dövlət nömrə nişanlı və 90 GM 473 dövlət nömrə nişanlı “VAZ 2107” markalı avtomobillər toqquşub. Hadisə şahidlərinin ANS PRESS-ə verdiyi məlumata görə, qarşı-qarşıya toqquşan avtomobillərin sürücüləri və 3 nəfər sərnişin müxtəlif dərəcəli bədən xəsarəti alıb. Yaralılar təcili tibbi yardım maşınları ilə xəstəxanaya aparılıblar.

Səbail rayon Polis İdarəsinin 8-ci polis bölməsindən ANS PRESS-ə verilən məlumata görə, hadisə yerinə yol polisi və post patrul xidməti əməkdaşları cəlb olunub. Hazırda hadisə ilə bağlı araşdırma aparılır. ANSPRESS