Bakının Suraxanı rayonunda qətl hadisəsi baş verib. Rayon prokurorluğundan ANS PRESS-ə verilən məlumata görə, hadisə Qaraçuxur qəsəbəsində yerləşən şadlıq sarayında baş verib.

Oktyabrın 3-də Nizami rayon 21 yaşlı Ayxan Füzüuli oğlu Məmmədov və Nizami rayon sakini 31 yaşlı Pərviz Telman oğlu Qasımov toy mərasimində birlikdə yeyib-içdikdən sonra aralarında mübahisə yaranıb. Mübahisə zəminində A. Məmmədov P. Qasımova bud nahiyəsindən bıçaq xəsarəti yetirib. P. Qasımov aldığı xəsarətlərdən 3 saylı Şəhər Kliniki Xəstəxanasına çatdırılsa da, onun həyatını xilas etmək mümkün olmayıb.

Keçirilən əməliyyat tədbirləri nəticəsində P.Qasımova sərxoş vəziyyətdə xəsarət yetirən Ayxan Məmmədov Suraxanı rayon Polis İdarəsinin 32-ci polis bölməsi əməkdaşları tərəfindən tutularaq istintaqa verilib.

Faktla bağlı Cinayət Məcəlləsinin 120.1 (Qəsdən adam öldürmə) maddəsi ilə cinayət işi başlanılıb. Araşdırma aparılır. ANSPRESS