Bu gün saat 07:00 radələrində Badamdar qəsəbəsində yerləşən kafedə yanğın baş verib. Yanğın “City-Mart Kafe” mağazasında qeydə alınıb. İlkin ehtimallara görə, tüstülənmə elektrik çaydanından başlayıb. Hadisə yerinə gələn Fövqəladə Hallar Nazirliyinin yanğınsöndürmə briqadaları yanğını zərərsizləşdirib. Alovlar mağazaya keçməsinin qarşısı alınıb. Hələlik yanğının dəqiq səbəbləri bilinmir.

Mağaza sahibinin sözlərinə görə, hadisə zamanı obyektdə heç kim olmayıb. O, hələlik dəyən ziyanın miqdarının dəqiqləşdirilmədiyini bildirib.