Bakıda fəhləlik edən 22 yaşlı Culfa sakini itkin düşüb. Naxçıvan Muxtar Respublikasının Culfa rayonundan olan Babayev Elmar Əsədulla oğlunun itkin düşməsi barədə ANS PRESS-ə onun ailə üzvləri məlumat verib.

Nərimanov rayon Polis İdarəsinin 18-ci polis bölməsindən verilən məlumata görə, Babayev Elmar Əsədulla oğlunun itkin düşməsi haqqında bölməyə ərizə ilə müraciət olunub və hazırda müvafiq tədbirlər həyata keçirilir.

2009-cu ilin avqust ayından etibarən Bakıda fəhləlik edən Elmar Babayevi fevralın 4-dən etibarən heç kəs görməyib. Onun atasının sözlərinə görə, Nərimanov rayonunda kirayə qalan oğlu ilə həmin gün telefonla danışıb və artıq 10 gündür ki, nə iş yoldaşları, nə də ailə üzvləri ondan bir xəbər ala bilmir. ANSPRESS