Bakıda oğurluq edən şəxs saxlanılıb. Bakı şəhər Baş Polis İdarəsindən ANS PRESS-ə verilən məlumata görə, avqustun 4-nə keçən gecə Ə.Cavad küçəsi 5-də yerləşən Sabunçu Enerji Təchizat İstismar Şöbəsinə məxsus 18 ədəd, həmin gün Savalan yaşayış massivindən isə Bakı Elektrik Şəbəkə ASC-yə məxsus 13 ədəd elektrik dirəyi oğurlanıb.

Sabunçu rayon Polis İdarəsinin 14-cü polis bölməsi əməkdaşlarının keçirdiyi əməliyyat tədbirləri nəticəsində oğurluqlarda şübhəli bilinən Valeh Qasımov oktyabrın 27-də tutularaq məsuliyyətə cəlb olunub.
Faktla bağlı araşdırma davam edir. ANSPRESS