Ötən gecə Bakıda bıçaqlanma hadisəsi baş verib. Naməlum şəraitdə bir neçə bıçaq zərbəsi almış Şükür Musayev adlı şəxs yaralı vəziyyətdə şəhər 1 saylı xəstəxanasına çatdırılıb. Həkimlərin sözlərinə görə yaralını xəstəxanaya çatdıran naməlum şəxs bir müddət sonra yoxa çıxıb. Ağır vəziyyətdə olan Musayev dərhal əməliyyat otağına çatdırılıb. Faktı araşdıran Nəsimi polisinin verdiyi məlumata görə hələlik ancaq yaralının adı məlumdur. Onun hansı şəraitdə və kim tərəfindən vurulduğu aydınlaşdırılır.