Bu gün axşam saat 19:40 radələrində Bakının Maşatağa qəsəbəsinə gedən yolda ağır yol nəqliyyat hadisəsi baş verib. Hadisə şahidlərinin ANS PRESS-ə verdiyi məlumata görə, qəza zamanı “VAZ 2106”, “VAZ 2107” və “Range Rover” markalı maşınlar toqquşub. Qəza zamanı “VAZ 2107” markalı maşında olan bir nəfər hərbçinin dünyasını dəyişdiyi bildirilir.

Sabunçu rayon Polis İdarəsindən ASN PRESS-ə verilən məlumatda isə ilkin olaraq qəza zamanı 4 avtomobilin toqquşduğu və bir nəfərin ölümü ilə bağlı məlumat daxil olduğu bildirilib. Faktla bağlı hadisə yerinə Sabunçu RPİ-nin müstəntiqləri göndərilib və araşdırma aparılır.

Qeyd edək ki, baş vermiş qəza ilə bağlı Zabratdan Maştağa qəsəbəsi istiqamətində hərəkət edən yolda avtomobil tıxacı yaranıb. ANSPRESS