Bakıda 18 mərtəbəli binada yanğın baş verib. Fövqəladə Hallar Nazirliyinin Dövlət Yanğından Mühafizə Xidmətindən ANS PRESS-ə verilən məlumata görə, yanğın saat 14.30 radələrində Nəsimi rayonu, H.Sarabski küçəsində, ABŞ-ın Bakıdakı səfirliyinin yaxınlığında tikilməkdə olan binada qeydə alınıb.

Hadisə yerinə yollanan ANS TV əməkdaşının verdiyi məlumata görə, əraziyə üç yanğınsöndürən maşın cəlb olunub. İlkin məlumata görə, yanğın 18-ci mərtəbədə toplanmış tikinti materiallarında başlayıb, daha sonra isə binanın fasad örtüyünə - alkopona keçib.

Yanğın nəticəsində bir nəfərin kəskin tüstüdən halı pisləşib və o, xəstəxanaya aprılıb.

Hazırda yanğın söndürülür.