Bu gün axşam saat 20:00 radələrində Masallı rayonunun Ərəb kəndində bıçaqlanma hadisəsi baş verib. Kənd sakini Tağıyeva Fəxranə Allahverən qızı öz bacısı oğlu tərəfindən bıçaqlanıb. Zərərçəkənin həyat yoldaşının ANS PRESS-ə verdiyi məlumata görə, içki və narkotik aludəçisi olan Tağıyev Bəhruz Abuzər oğlu bu gün kənddə keçirilən toy mərasimində iştirak etdikdən sonra həyat yoldaşı ilə birlikdə xalasının yaşadığı evə gələrək onu döyüb və sinə nahiyəsinə bıçaqla xəsarət yetirib.

Masallı rayon polis şöbəsinin rəis müavini Sərxan Mirzəyevin ANS PRESS-ə verdiyi məlumata görə, hələlik polisə bıçaqlanma ilə bağlı məlumat daxil olmayıb. ANSPRESS