Azərbaycan Universitetində yanğın baş verib

Azərbaycanda Universitetdə yanğın hadisəsi olub. Fövqəladə Hallar Nazirliyinin mətbuat xidmətindən verilən məlumata görə, Yasamal rayonunda Azərbaycan Universitetinin yeddimərtəbəli binasının ümumi sahəsi 3000 kvadratmetr olan olan mansardasının yanar konstruksiyaları 5 kvadratmetr sahədə yanıb.

Yanğın saat 19:55-də yanğınsöndürənlər tərəfindən söndürülüb.

Hadisə zamanı xəsarət alan olmayıb.

Yanğının səbəbi araşdırılır.